28Thu
**കൈനീട്ടമായി ഹെൽത്തി കേരള **നടുവേദനയെ പേടിക്കേണ്ട,​പക്ഷേ സൂക്ഷിക്കണം **പല്ലുവേദന തടയാൻ നാടൻ പൊടിക്കൈകൾ **പാദം നന്നായാൽ പകുതി നന്നായി **പൊണ്ണത്തടിയന്മാരുടെ എണ്ണത്തിൽ ഇന്ത്യയ്ക്ക് മൂന്നാം സ്ഥാനം . . .
NEWS
HEALTHY LIVING
FITNESS & DIET
BEAUTY & STYLE
SEX AND RELATION
DISEASES
Ambika Pilla's Tips

ആഴ്ചയിലൊരിക്കൽ ഹോട്ട് ഓയിൽ മസാജ് ശീലമാക്കൂ


ഹോട്ട് ഓയിൽ മസാജ് എന്ന് കേട്ടാലുടൻ ചെയ്യാനായി ബ്യൂട്ടി പാർലറിലേക്ക് ഓടുന്നതാണ് മലയാളിയുടെ ശീലം. അതൊക്കെ നമുക്ക് ഒറ്റയ്ക്ക് ചെയ്യാനാവുമോ എന്ന സംശയം. എന്നാൽ,​ ഒട്ടും സംശയിക്കേണ്ട. ഹോട്ട് ഓയിൽ മസാജ് നമുക്ക് വീട്ടിൽ തന്നെ ചെയ്യാവുന്നതാണ്. പ്രശസ്ത ഹെയർ സ്റ്റൈലിസ്റ്റ് അംബിക പിള്ള വീട്ടിൽ തന്നെ ഹോട്ട് ഓയിൽ മസാജ് ചെയ്യേണ്ടുന്നതെങ്ങനെ എന്ന് പറഞ്ഞു തരുന്നു.

ഹോട്ട് ഓയിൽ മസാജ് ചെയ്യാനായി മുടിയ്ക്ക് ഗുണകരമാകുന്ന ഓലീവ് ഓയിലോ ആൽമണ്ട് ഓയിലോ വെളിച്ചെണ്ണയോ ഉപയോഗിക്കാം. ഇവ മൂന്നും തുല്യ അളവിൽ എടുത്തും ഉപയോഗിക്കാം. താരന്റെ ശല്യമുണ്ടെങ്കിൽ കടുകെണ്ണ ഉപയോഗിക്കാം. രൂക്ഷ ഗന്ധമാണ് കടുകെണ്ണയ്ക്ക്. പക്ഷേ,​ താരന്റെ ശല്യം ഇല്ലാതാക്കാൻ കടുകെണ്ണ സഹായിക്കും. ഇത് ചെറുതീയിൽ ചെറുതായി ചൂടാക്കുക. തിളപ്പിക്കരുത്. പിന്നീട്,​ വിരലുകളുടെ അറ്റം ഇതിൽ മുക്കി തലയോട്ടിയിൽ വട്ടത്തിൽ മസാജ് ചെയ്തു പിടിപ്പിക്കണം.15-20 മിനിട്ട് ഇത്തരത്തിൽ മസാജ് ചെയ്യുക. ഒരിക്കലും ശക്തിയായി മസാജ് ചെയ്യരുത്. അത് കട്ടികുറഞ്ഞ മുടികൾ പൊട്ടിപ്പോകാനിടയാക്കും. മൃദുവായുള്ള മസാജ് തലയിലെ രക്തയോട്ടം വർദ്ധിപ്പിക്കുകയും മുടി തഴച്ചു വളരാൻ സഹായിക്കുകയും ചെയ്യും. ബാത്തിംഗ് ടവ്വലോ തോർത്തോ നല്ല ചൂടുവെള്ളത്തിൽ മുക്കി പിഴിഞ്ഞെടുക്കണം. എണ്ണ തേച്ച മുടി മുഴുവൻ മൂടുന്ന വിധത്തിൽ തോർത്ത് തലയിൽ ചുറ്റി വയ്ക്കണം. അതിൽ നിന്ന് വരുന്ന ആവിയിൽ രോമകൂപങ്ങൾ തുറക്കുകയും എണ്ണ ശിരോചർമ്മത്തിന്റെ ഉള്ളിലേക്ക് കടക്കുകയും പുഷ്ടിപ്പെടുത്തുകയും ചെയ്യുന്നു. തോർത്ത് ചൂടുവെള്ളത്തിൽ മുക്കി മുടിയിൽ കെട്ടുന്നത് മൂന്നോ നാലോ തവണ തുടരുക. കുറഞ്ഞത് 20 മിനിട്ടോളം ഇത് തുടരുക. ശേഷം തീവ്രത കുറഞ്ഞ ഷാംപൂ ഉപയോഗിച്ച് തണുത്ത വെള്ളത്തിലോ ചെറുചൂടു വെള്ളത്തിലോ തല കഴുകുക. ഒരുപാട് ചൂടുള്ള വെള്ളം ഒരിക്കലും ഉപയോഗിക്കരുത്. അത് താരനും വരണ്ട ശിരോചർമ്മത്തിനും ഇടയാക്കും. മുടിവേരുകളെ ക്ഷയിപ്പിക്കും. ആദ്യമിടുന്ന ഷാംപൂ നന്നായി പതയാൻ സാധ്യതയില്ലാത്തതു കൊണ്ട് രണ്ടു തവണയെങ്കിലും ഷാംപൂ ചെയ്യേണ്ടി വരും.കുറച്ചു ഷാംപൂ വെള്ളത്തിൽ നന്നായി പതപ്പിച്ചതിനു ശേഷം മുടിയിലിട്ടു കഴുകുക. ഷാംപു ചെയ്തതിനു ശേഷം കണ്ടീഷണർ ഇടാം മുടിയിൽ. മുടിക്കും ശിരോ ചർമ്മത്തിനും യോജിച്ച കണ്ടീഷണർ വേണം ഉപയോഗിക്കാൻ. കണ്ടീഷണർ വീട്ടിൽ തയ്യാറാക്കുകയുമാവാം. തേയില തിളപ്പിച്ച വെള്ളത്തിൽ ചെറുനാരങ്ങ നീര് ചേർത്താൽ അസൽ കണ്ടീഷണർ ആയി. മുടി കഴുകാനും ഇത് ഉപയോഗിക്കാം. പക്ഷേ,​ കണ്ടീഷണറായി ഉപയോഗിക്കുമ്പോൾ ഇത് കുറച്ചു നേരം മുടിയിൽ ഇരിക്കണം. വിപണിയിൽ നിന്ന് വാങ്ങുന്ന കണ്ടീഷണറാണെങ്കിലും മുടിയിൽ മാത്രമേ പുരട്ടാവൂ. ശിരോചർമ്മത്തിൽ പറ്റരുത്. മുടിയിൽ തേച്ചു പിടിപ്പിച്ച് ക്ളിപ്പ് ഉപയോഗിച്ച് കെട്ടിവയ്ക്കണം. ദേഹം കഴുകുന്ന സമയം വരെ അത് മുടിയിൽ പിടിക്കുന്നതാണ് നല്ലത്. അതു കഴിഞ്ഞ് നന്നായി കഴുകി കളയുക. ഇതാണ് ശിരോചർമ്മത്തിന് ആവശ്യമായ എണ്ണ. അന്തരീക്ഷത്തിലെ അഴുക്ക് പിടിച്ചെടുത്ത് തലയിണയിൽ പുരട്ടാം എന്നല്ലാതെ കുളിച്ചു കഴിഞ്ഞ് എണ്ണയിടുന്നതു കൊണ്ട് യാതൊരു പ്രയോജനവുമില്ല.അത്തരത്തിൽ അഴുക്കായ തലയിണകളാണ് മുഖക്കുരുവിന്റെ മൂലകാരണം എന്ന് മറക്കാതിരിക്കുക.